Saturday, August 13, 2022
  • About Us
  • ImagiNATION
  • Rate Card
  • Contact Us
The Nation Online
Advertisement
  • Home
  • News
  • Politics
  • Business
  • Entertainment
  • Life & Style
    • Every Woman
      • Soul
      • Family
    • Religion
    • Feature
  • Society
  • Columns
  • Sports
  • Chichewa
  • Enation
No Result
View All Result
  • Home
  • News
  • Politics
  • Business
  • Entertainment
  • Life & Style
    • Every Woman
      • Soul
      • Family
    • Religion
    • Feature
  • Society
  • Columns
  • Sports
  • Chichewa
  • Enation
No Result
View All Result
No Result
View All Result
Home Chichewa

Wobwerera lili pululu amwaliranso ku zomba

by Bobby Kabango
30/08/2015
in Chichewa
2 min read
0
Share on FacebookShare on TwitterShare on WhatsAppShare on LinkedinLinkedinShare via Email

 

ZImene zachitika m’mudzi mwa Makoloni kwa T/A Mwambo ku Zomba masiku apitawa n’zoda mutu. Mayi wa zaka 28 amene adabwerera kumanda sabata ziwiri zapitazo bokosi la maliro lomwe adagoneka ‘mtembo’ wake litayamba kunjenjemera, wamwaliranso atangokhala kwa masiku anayi.

Mfumu ya m’mudzimo komanso woyandikana nyumba atsimikizira Msangulutso Lachiwiri lapitali za malodzawa ndipo ati anthu m’mudziwo akuganiza kuti zachitikazi n’zamasalamusi.

Wojambula wathu kufanizira ndi mmene zidakhalira tsiku limene Tamara Faliji ‘adauka kwa akufa’
Wojambula wathu kufanizira ndi mmene zidakhalira tsiku limene Tamara Faliji ‘adauka kwa akufa’

Patrick Matemba, yemwe adaona zododometsazi zikuchitika, adauza Msangulutso kuti Tamara Faliji adagwa kunyumba kwake masana a pa 11 August.

“Sitikudziwa chomwe chidachitika koma adangogwa. Tidamutengera kuchipatala cha Makwapala Health Centre komwe adatiuza kuti wamwalira,” adatero Matemba.

Monica Mbewe, namwino wa pachipatalachi yemwe adatsimikiza za imfayo poyamba, adauza Msangulutso kuti zomwe wodwalayo amaonetsa zidasonyeza kuti wamwalira.

“Adafika ali ndi moyo ndipo ndidayamba kumupatsa thandizo. Patatha mphindi 30 ndidaitanidwanso ndi amene amamuyang’anirawo kuti ndikaone zomwe akuchita. Panthawiyo amaonetsa zizindikiro zoti wawalira.

“Pamtima sipamagunda, thupi lidangolobdoka, diripi ya madzi ndi mankhwala idasiya kuyenda. Apa zidasonyeza kuti wamwalira moti ndineyo ndidalembera kuti wamwalira,” adatero namwinoyu.

Nyakwawa Makoloni potsimikiza za nkhaniyi, idati itamva za malirowo, idalamula anthu kuti ayambe kukonzekera zoika maliro mawa lake.

“Mawa lake adzukulu adakumba manda ndipo anthu a m’mudzimu adakhoma bokosi. Mwambo wa maliro utatha tidanyamula zovuta, ulendo kumanda,” idatero mfumuyi.

Koma Makoloni adati anthu adadabwa kuona bokosi likugwedera atangofika kumanda.

“Apa n’kuti mwambo wakumandako utangoyamba kuti titsitsire bokosi m’manda ndipo ndidalamula kuti bokosilo litsekulidwe.

“Titatsekula tidaona kuti ‘wakufayo’ akutuluka thukuta komanso amadziwongolawongola,” adatero Makoloni.

Iye adati mwambo udathera panjira ndipo adakwirira dzenje la mandalo nabwerera ndi woukayo kunyumba komwe kudaitanidwa ampingo wina wa Pentecost kuti amupempherere.

Pakulowa kwa tsikulo, akuti mayiyo adakwanitsa kudya phala koma movutikirabe.

“Amangovumata, kuti ameze ndiye kudali kovuta, komabe adadya pang’ono,” adatero Matemba.

“Kulankhula ndiye adasiyiratu ndipo pamasiku onsewo amangodya phala. Pa 16 August adadzuka wolefuka ndipo adasiya kudya. Kenaka mpamene timamva kuti wamwaliranso.

“Tidakhulupirira kuti ulendowu adamwaliradi chifukwa m’khwapa mudali mutazizira ndipo samatulukanso thukuta. Tidakaika maliro pa 17 August,” adatero Makoloni.

Koma mfumuyi yati ikuganiza kuti zomwe zidachitikazo zidali zamasalamusi ndipo akukhulupirira kuti imfa ya mayiyo wina adaikapo dzanja.

“Chilowereni ufumu zotere sindidazionepo. Ineyotu ndikuti ndidali pomwepo ndipo ndidadzionera zonsezi zikuchitika. Ndinadabwa nazo ndipo ndikukaika kuti zotere zingangochitika; alipo amene akukhudzidwa kuti mpaka mayiyu afe imfa yotere,” idatsindika mfumuyi.

Akuti malirowo atangochitika, adzukulu ndi anthu ena adamenya gogo ake a womwalirayo pomuganizira kuti akukhudzidwa ndi imfa yachilendoyo.

Makolo a malemu Tamala Faliji, yemwe wasiya mwana wa zaka 7, akuti nawonso adamwalira modabwitsa

Previous Post

Focus on healthy relationships

Next Post

Wopezeka’ ndi yunifomu ya polisi anjatidwa

Related Posts

Patrick sakubwerera mmbuyo pa chikopa
Nkhani

Patrick Mwaungulu ndi katakwe pokankha chikopa

July 24, 2022
Chilima: Change the mindset toward development
Nkhani

A Chilima abwera poyera

July 1, 2022
Nkhani

Achilima awachepetsera mphamvu zaulamuliro

June 24, 2022
Next Post
Nyaude: Avoid buying 
stolen property

Wopezeka’ ndi yunifomu ya polisi anjatidwa

Opinions and Columns

Bottom Up

Mindset change should target Indian-Malawians

August 12, 2022
My Turn

Legalise cannabis for poor farmers

August 12, 2022
Editor's Note

Govt set to develop Whistleblower Protection Act

August 11, 2022
Business Unpacked

How government is killing parastatals softly

August 11, 2022

Malawi-Music.com Top10

Trending Stories

  • Chakwera withheld delegated duties from Chilima

    Did ACB, LMC rush? 

    0 shares
    Share 0 Tweet 0
  • Minister allays Shoprite exit fears

    0 shares
    Share 0 Tweet 0
  • Covid-19 pushes Kuhes into drug manufacturing

    0 shares
    Share 0 Tweet 0
  • Mindset change should target Indian-Malawians

    0 shares
    Share 0 Tweet 0
  • No DPP candidate endorsements from us—APM

    0 shares
    Share 0 Tweet 0

  • Values
  • Our Philosophy
  • Editorial policy
  • Advertising Policy
  • Code of Conduct
  • Plagiarism disclaimer
  • Disclaimer
  • Privacy Policy
  • Terms of use

© 2022 Nation Publications Limited. All Rights Reserved.

No Result
View All Result
  • Home
  • News
  • Politics
  • Business
  • Entertainment
  • Life & Style
    • Every Woman
      • Soul
      • Family
    • Religion
    • Feature
  • Society
  • Columns
  • Sports
  • Chichewa
  • Enation

© 2020 Nation Publications Limited. All Rights Reserved.

This website uses cookies. By continuing to use this website you are giving consent to cookies being used. Visit our Privacy and Cookie Policy.